Arti i distilimit
Distilimi duke përdorur kolonat tradicionale ose industriale është një art që nuk mund të improvizohet. Njohuria jonë përbëhet nga mjete pune të adaptuara, aftësi të operatorëve tanë dhe gatishmëri për t'i bërë gjërat siç duhet. Rezultati është një distilim cilësor për të prodhuar whisky, brendi dhe raki të shkëlqyera.
Me dashurinë e profesionit, përvojën shumëvjecare, vendosmërinë e palëkundur dhe me një Mjeshtër kantine me eksperiencë, mund të prodhohet alkoli më i mirë i pijshëm.
Në distilim, mund të përdoren disa metoda dhe secili rajon mbron me vendosmëri mënyrën e tij të funksionimit, por është rezultati që ka rëndësi. Kur një produkt i përfunduar nxjerr një ekzemplar të suksesshëm, e gjithë ndërmarrja është krenare për rezultatin, sepse të gjithë në mënyrën e vet marrin pjesë me aftësitë e tyre.
* Të gjitha analizat tona zyrtare te distilateve dhe produkteve te ndryshme bëhen nga laboratorët LEC dhe EUROFINS në Francë.
Distilimi i whisky-ve
Whisky ynë prodhohet duke përdorur procesin ``Patent Still``, e cila është metodë për prodhimin e whisky-t të grurit përmes një procesi të distilimit të vazhdueshëm. Pas prodhimit, distilatet tona shijohen, analizohen, mundësisht përzihen dhe vjetërohen në fuçi lisi francez dhe amerikan, me një kapacitet që varion midis 200 dhe 500 litra. Gjatë periudhës të vjetërimit, Mjeshtri i kantinës vëzhgon zhvillimin pozitiv të whisky-t dhe kryen operacione të ndryshme për ta përmirësuar. Pasioni i mjeshtrit të kantinës, natyra e punës të tij dhe kushtet e vjetërimit e kthejnë whisky-n në një nektar te shijshëm.
